Нискокалоричните сокови се одлични за слабеење. Еве зошто!

Кога сакате да ослабнете, математиката е едноставна: треба да внесувате помалку калории од она што вашето тело ќе го потроши преку вежбање, дневни активности и преку основните телесни функции. Стручно кажано, треба да бидете во калориски дефицит.

Ова може да го сторите така што ќе јадете помалку висококалорична храна, а оброците ќе ви бидат нискокалорични, но богати со хранливи материи. Доколку сакате да го задржите калорискиот дефицит, нискокалоричните сокови се идеално решение. Соковите од краставица, целер, цитрон, спанаќ, јаболка и лубеница се само неколку нискокалорични варијанти кои може да ги вметнете во вашата исхрана.

Покрај тоа што ќе консумирате помалку калории и повеќе витамини, ваквите сокови може лесно да ви помогнат да ја смените целосната дневна рутина. На пример, започнете го денот со освежителен сок од краставица или целер за да го подобрите метаболизмот. Исто така, соковите може да послужат како здрава опција за ужина, но и како далеку поздрава замена за висококалоричните газирани сокови полни со шеќери. Ако споите нискокалоричен сок со салата или високопротеински оброк, ќе добиете здрав и балансиран ручек или вечера.